Шымкент қаласы білім басқармасы «Тамақтандыру индустриясы және сервис колледжі» МКҚК ҚР Тәуелсіздігінің 30 жылдығына орай Шымкент қаласы «Жастар ресурстық орталығы» КММ-нің ұйымдастыруымен «Birgemiz: Taza Alem» жалпыұлттық жобасы аясында “БІЗ ТАЗА ҚАЛА ҮШІН” «Eco Sana» сенбілік акциясына қатысты.

Жобаның мақсаты – жастардың экологиялық білімін арттыру және қоршаған ортаның ластануына жол бермеу, мәдениеттілігін қалыптастыруға бағытталған. Ең бастысы қоқыс тазалау емес, қоқыс тастамау болатын.

Бір жарым айға созылған сенбілік барысында қаламыздың төрт ауданында: Абай ауданы, Әл-Фараби ауданы, Қаратау ауданы, Еңбекші аудандарында көшпелі түрде күл-қоқыстар мен басқа да тұрмыстық қалдықтардан тазартылды.

Жоба нәтижесінде Тамақтандыру индустриясы және сервис колледжінің студенттік парламент өзін-өзі басқару ұйымы мүшелері арнайы Алғыс хатпен марапатталды.